S TMAZIGHT

Funko POP! Jumbo One Piece Kaido Dragon Form : ...

TASNA S TMAZIGHT RA TILI KH MAN UR YAGGUGN

Pour la lecture :

â = a de ain (œil) en arabe c = ch de cheval, d’ = d de dabab (brouillard) en arabe, g’ = g de garage gh = gh de gharb f’= f de phare h’ = h de hamama (pigeon) en arabe Kh= kh de khadija q’= q de qalb (cœur) en arabe s’= s de Salah U= ou français z’ = z de Tazolt

      AAQDAT A AIT M'ZAL

AAQDAT A AIT MZAL AAQDAT BAHRA                                          AD UR TTUM AKKUS(1) LLAWN FELN IMZOURA

MANZA TIRRUGZA(2) LLI S YADLLI TTUSSANN                               IMAZIGHEN IQBURN, TUDERT NSEN AD FKAN

ADAWN IGHAMA WAKAL D WADDAGN D WAMAN                         TAGHBALUT(3) N TUDERT GHIN ADAWNT IGAN

ASS LLI INNA UMDDURRUY(4) FRANCIS TAMNAT' (5)ANN               LEMGHRIB LLI UR ILAN ATIG ATGA TSGA Y AN

SG (6) ANNGMD' (7) S WASS AD URT GIWN YAWI YAN                    UHUY HAN IWIND AWN UKAN ILFAN (8)

STARA (9) GH IDRARN D URTAN ADASN NNAN                                TILILLI LLI UFN TIN UFGAN(10) ADASN FKAN

AZMAZ (11) D UNKRAF (12) Y WANNA TEN IHADAN                         CHCHAN GHAYLLI ILLAN GH IDRARN D URTAN

SWAN TIGHBULA URAN SUL GISEN TAFIM AMAN                       ARUN ARUN DAGH ALLIGH GAN KIGAN

SKERN TADUNT S WAYDA NNUN LII CHCHAN                               AFADD AD ACHKIN ID WACH ATEN GWMERN

AAQDAT A AIT MZAL AAQDAT BAHRA                                         TFESSEM ASS LLI GH AWIND AWN ILFAN (7)

TARZZIFT (13) N TANBAT' (14) LMAGHRIB A YAN                         ASS AD TARRAGT (13) YAD'N ADAWN THYYALN

AZERF (15) LLI ISKEER UMDDURRUY (4) AST IGAN                      TAMAZIRT NNUN KAMI T SKERN UKAN

AZERF AN AS RADAWN AWIN ARGAN                                            HAN IKH AWEN IFTA WARGAN

RAT ID'FER WAKAL WALA NTTAN                                             IKH DDAN SIN ANN MARADAWN SUL IGHAMAN?

AAQDAT A AIT MZAL AAQDAT BAHRA                                        IGH DAKH TFSSEM AMYA (16) ARADAWN IGHAMA

IWWUTTA ARADAWN GIN IMIN TGUMMA                                   IKH KUWN YAGH LAZ SSUTERAT (17) IGENNA

TAGANT ARAD SKERN GH WAKAL NNUN                                      AGWDAL (17) I ILFAN (8) URAT IBD’U DIDUN

AAQDAT A AIT MZAL AAQDAT BAHRA                                         AKWN UR TUT TAGAT N N WAKAL D IMZWURA

(1): Heritage;(2):Bravoure;(3): Source; (4):Colonisateur Français ;(5): Region; (6):Depuis; (7): L'independance; (8):Sangliers; (9): Se promener; (10):Etre humain ; (11):Amende,Pénalité ; (12): Prison ; (13):Cadeau ; (14):Le Gouvernement ; (15):Le droit　; (16)　:Rien　; (17)　:Une réserve　.

yurat AHMED BELKACEM M'ZAL

Ikttayen n ya wazzan

Ddu ugadir wangarf gh izdar an                                                    Iggi n wassif n ait âblli gh uflla yan

Zri tamggert ighd tkkit amerzggan                                                igh tkkit ait warghen agharas ighudan

Sin ibridn ghin agh mnagarn                                               win ur ssen agharas urad mmzalan(1)

Mrawt tgumma d tmzgida d inrarn                                                 H'd'an ntnt idrarn isutl asnt wargan

Lmud’â iberb'ad'n aghin illan                                                      zman antkuk as yad lli s ittussan

Azwu(2) ighusn(3), asa(4) d ignna izgzan                     idrarn, igh illa unz’ar tazgzut ad lssan

Ayyawn n hmad az'ugay a giss izdghen                       Tamt tsutine (5) d uggar a giss kkan

Mqqar ggutnt takatin yan uz'ur’ ad gan                                         Ait mh’amed, ait âli, ait tahr d ait lh’ousain

Iska z'lin mac idamn n yan a gisn illan                                         Ghin akhd lulkh ghin akh z'rikh tifawin

Ghin adakh isdusn(6) tidmarin d tid'ar’in                    Allikh nz'd'ar an ddu s tsgatin(7) yaggugnin

Ait iberb'ad'n ur llant tmizar ad ur kkan                                     Miksik, kanada, jabbun d mirikan

Khtin akw d tiyad' lli yaggugnin                                                S’b’ania, fransa, hulanda d lalman

Khtin d tiyad' lli akw yaz'd'nin(8)                                    as ddan ar siggiln mad asn issgheran(9)

Ghaylli mu r ssn, z’r’n mdn yad'nin                                mac llan gisn willi kem ittun iska zlan(10)

Llan gisn willi ddarm bdda ittackan                                              A tamazirt, wiyyad' ar bdda gim swingimn

Aman n bikhsayn urat ittu wanna tn iswan                                      Mqqar kkand tugt n timizar md’in gisnt aman

Timmimt n winnun a bikhsain urat gisnt afin              Wala tin ghayllid gim itmghin(11) gh urtan

Awd(12) win ughrum n tmz'in lli snwant                          Ghammas n ufarnu s ifasn ghwmanin

Lh’anna, timitar(13) n iz'uran a yan                                 Aynna gim imghin tadusi(14) ad akkan

Ikh t ccan wid mqurnin d wid mz'iynin                           Anusm wala angaz' ura sisn ssafan(15)

Ur anfukku(16) iwaliwn ad ikhen ur bdern                     Willi akh yugern d imzwura mad skern

Salh n ait belkacem a baba mqqurn                                              lli ddan dar rbbi zik urk ttun

Ayyawn nnek wala ait ddarun                                                   mqqar tftit ark sul ttannaygh zund ghassan

igh iy tmlit asusiy(17) lli th’d’it d id’ar’n                      llak bgan tildunin (18) n tarbbaâin(19) n irumiyn

Gh imigh(20) n ait baha ichtukn lli ittussan             acku willi gis d’r’n(21) uggar n willi gis nkern

Is gis tmlam i yirumiyn mami z’d’ar’n                                           ait tmazirt, akal d tarwa af mmaghen

At ur yawi yan wala ad gin giss ismgan                         dar francis lli mi awsen saligan(22)

Dadda mohmmad u brahim wala kiyin                                        ark sul ukan ttannaygh zund ghassan

Gh ugmmad'an ar tr'd'amt urak yaws yan                                    Adrar akw akh tskrt igherman d imtlan

Tz’z’ut gis tazgzut zund urtan n babilon(23)               Akwn irh’m rebbi kwnni d ma didun imunn

(1) :Ne se perd pas (2): L’air, (3) : Pur, propre, (4) : Tranquillité, (5) : Siècle, (6) : Rendu solide, (7) : Régions, contrées (8) : Pas loin, (9) : Enseigner (10) : Perdus, ,

(11) : Pousser (plante), (12) : Aussi, également, (13) : Les signes, (14) : La santé, (15) : Avoir la sensation, (16) : Terminer, (17) : Fusil du Souss,

(18) : Le plomb des balles, (19) : Fusil à 4 balles, (20) : La bataille, (21) : Les morts, (22) : Légionnaires sénégalais, (23) : Jardins suspendus de Babilon

yurat AHMED BELKACEM M'ZALI

AWAL N TUTLAYT

NNAN Y TWSSART UR SUL TLIT IMAL                            UR TLIT IGLAMN (1) N TUTLAYIN ULA AMAWAL(2)

UR T GIT I TIRRA ULA I TIGHRI UR LIT AKAL(3            ZUND LATIN UR AKW SUL TGIT AWAL

ILLA MA IKS’UD’N A SSIM ISAWAL                             WIYYAD’ AR TANFEN(4) AF LLAM DRUN AMSAWAL(5)

NESSEN IZD GHAYEN N UGGAR AD NNAN                            ILLA AKW MA IMMAGHEN ADGEKH AGDAL (6)

I WILLI SIY ISAWELN, AZMAZ(7) S USNAGAL (8)                   WILLI IY YUGIN (9) SIN ANAWEN AD GAN

ILLA WILLI KSEN AMSENTL (10) ZZLMN (11) UKHSAN           AR MMALN MNCHK AD AGH TQZZAN. (12)

GHWIN ANFAT ASSEN IMZZAZARN (13) AD GAN                   URAD ININ KHKAN MLAD IS GAN IGDADAN(14)

YILI IMNUYN (15) LLI URAKW SEN MAD GAN                        D'FER'N AMARUR (16) WALI ASN MLAN

TTUN AWAL N TILLITN URUN D UKFAY LLI SWAN             ASIN ILS YAD’NIN LLI DIDSEN UR ITTACHKAN

GIN TADS'A I GHWILLI ASNT ISSGHWRAN                            AWAL YAD'N NNAN NTTAN AY SMUNAN

UR SSEN IZD ATIG N TUTLAYT N KU YAN                           WILLI SIS ISAWALN ADAST ITGGAN

NETTNI ADAS ITTAWIN ITENAN (17)                                      AR T SMUDRUSN(18) NED AR T SSUTGAN (19)

IS UR SSEN IZD ASWIR (20) N WAWAL N YAN                         DIDS GH YAN USKFL (21) AGH AKW LLAN

IGH GHLIN , GHLIN AKW S YAT TWAL                                    IGH D'R'N , D'R'N AKW S YAT TWAL

TASMGHURT ( 22)N TMURA TUTLAYT AST TSTAL (23 )       ACKU TUTLAYT TGA I TAD'AMSA ALLAL

UR TELLA TUTLAYT LLI YUFN T'AYYAD' GH UMAD'AL   GHEMKLLY TNNA UNESCO TASMUNT N UMAD'AL

LLI ISDUQQERN ASERSAR N IMIZI (24) GH UNTAL (25)      N KU YAT TUTLAYET LLI SAWAL UFGAN GH UMAD'AL

(1): Regles gramaticales; (2): Lexique; (3): Patrie; (4): Evitent; (5): Debat; (6): Interdit; (7): Penalite;

(8): Legalement; (9):Refusent ; (10): Le masque; (11): Decouvrent; (12): Detestent; (13): Racistes;

(14): Democrates; (15): Les naifs; (16): Le mirage; (17): Respect; (18): Affaiblir;(19): Valoriser; (20): Niveau;

(21) : Degres ;(22): La grandeur;(23): Se mesure;(24): Danger; (25): Disparition

yurat AHMED BELKACEM M'ZALI

  Pour la lecture :
a' = a de ain (œil) en arabe c = ch du cheval d’ = d de dabab (brouillard) en arabe, g = g de garage
gh = gh de gharb           f’= f du phare     h’ = h de hamama (pigeon)           Kh = kh de Khadija      q’= q de qalb (cœur)        s’= s de Salah     U = o français      j'= j de jorf       z’ = z de Tazolt

                                 Nan iy nan iy
Id’gam nan iy ur akw nsen mat git
Nan dakh ur akw nsen mani kh tuckit
Willi ghaldn is ssen mq’q’ar ur gan kigan
Ghwin lli lan tanb’at’ (1) iwaliwn yad’nin ad nnan
Aran kh udlis anmlan (2) ar ssaq’ran
“ lbarbar ” imzdaghen iq’born lmaghrib ad gan
Uckand sis zik akw zegh (3) liyaman
Agharas n misr d lh’abaca ad kkan
Llan inmzrayn (4) lli akw uran
Imzdaghen l maghrib dat (5) willi d sis yuckan
Tillas n tinuzgha (6) aghen yad lli llan
Gh ammas n tagant (7) agh zdghen ur lsan (8)
Ghass ad illa gisn willi sul ittinin khkan
Wiyyad’, nga akw ait matn ad nnan
Nnan awd lmaghrib yiws n Driss at ismun
Nttan ad yiwin tutlayt (9) n wakal n igurramn (10)
Yiwid awd askkil (11) d usidd (12) n usgan (13)
Sfeldat a willi ran d willi uriran
Tamagit (14) d tusna (15) târabt adakh ismunan
Gh ghid lli gan lmaghrib lâarabi mq’q’urn
Ait ugmmud’ (16) lli ghwran adakh immalan
Ura nttu amerwass (17) lli f llagh illan
Nnan y nnan y nnan y ssehtern (18) iy kigan
Alligh tmrks iy tillawt (19) d tawwurgi d umiyn (20)
Skcemn turda (21) gh ugayyu n ufgan ('22)
And’f’ar’ (23) lli ghwran d walli ur ighwran
Ksen assagh i menck igherman (24)
S’fed’n akw ma iskwtin kh iz’ur’an
Ttukh askkil (11) d ils n williy yurun
Bdkh ar smuq’q’ulkh sin igharasn
Ur sul snkh ma igan winu d mat urigan
Ur sul gikh yan sin a ggi illan
Yan arn ismuq’q’ul gh ugmmud’(16) ukan
Yan ar iswingim kh iz’ur’an
Urn illa ufgan (22) ikh ur iga yan
Sfeldkh i iz’ur’an ariy ttinin
Nker awa nker r’z’em alnnek d imz’z’aghen
Adak nini iwaliwn imddadn(25)
Ankruf(26) n wawal is asd r’z’emn
Ur sul z’d’ar’n attin q’q’en kigan
Acku isghufn (27) ibbiq’q’iyn (28) ad akkan
H’an ur sul nks’ud’ iserfufn (29)
S tamslit (30) as ra nini iwaliwn ghemklli gan
Ura sul n sawal s tmatarin (31)
Ran nini ghaylli akw ur nnan, ur mlan
Dghaylli akw ur aran , lli h'd'an
Tad akw izwarn gh iwaliwn
Tamagit (14) n ufgan (22) akal ast yakkan
A willi ur ssen ar siggiln az’ur’ n imazighen
Ghrat adlis n umzruy (32) win yiws n khaldun
Lli nnan Imazighen ghid akd bdda llan
Ghid amnzaw (33) ad n ifriqia lli gan
Aghbalu (34) n tffugna (35) akhd luln
Idgharn aderzanin(36 ) ghilli gh llan
Igh darun turda (21) rad adawn mmaln
Mad yufen aylli awen mlan ula lli aran
Ima assagh (37) iz’m’an (38) n ufgan (22)
Wan as fkan willi tn yurun att igan
Gar assaghn isgna (39) atn ittinin
Sslghen (40) taguri (41) “Lbarbar” i imazighen
Wala taguri "chluh" lli ttinin
Sen izd ghemkan as ra ttn trggemen (42)
Nukwni nsn ukan ma gikh ran
Akal n tmazight ur at yawi yan
Kigan a ggis izrin uras ufan
Mqqar aran amzruy (32) ghemklli ran
H’an imghluln (43) zund izaggn d wargan
Ur akh skerkasn is bdda ghwz’ann (44)
Nttni ay gan inagan (45) n ghaylli illan
Saq’sa addagn n tmazight d izaggen
Rad ak inin izaggen tifinagh kami n ssen
Addagn lli mani yad’ gh umad’al ur llan
Tamazirt ad akhd luln ntni ad akw izwarn
Iga yak waddag zegh iluld amsmun
Gh tillas n d’yid’ nttan ad ak isisfiwn
Gh tafukt n uzal nttan ad ak isentaln
Mq’q’ar bbin as aman q’q’urn asnt tfrawin
H’an addagn lli mi ghzzifn iz’ur’an
Ur ks’ud’n tamttant (46) akal akhn tghwin
Ssen izd ghin agh ran afin aman
Iz’ur’an ay ttinin amzruy(32) urd imawn
Imzruyn dusnin (47) ur akh ts’fad’n (48)
Ikht nin akw md’ln ya wass iq’q’and ad nkern
Saq’sa ait mis’r ikh trit inmmaln (49)
Ikhd ilul umazigh nttan d tililli (50) ay tmunan
Tamazight n wargan ura taru ismgan (51)
Tillas, Imazighen urjjunt gis kkan
Tasa (52) Imazighen urjjut nghan (53)
Ist usin s tumert(54) iggi n iguyya nsen
Alnt s uflla allikh tga tagellit akw mq’q’urn
Gh uzemz an wiyyad’ artntin tmd’aln
Tigellinin illa sul gisent iman (55)
Agmmud' (16) h‘an tirghi ad gis ittackan
Nan ait matn ad akw nga ndru idamn
Nukwni nra ang didun akw inamarn (56)
Tamurt (57) ad tz’d’ar a ttamu (58) imzdaghen
Lli z’uz’d’n (59) a gis lkemn mad akw sitimn (60)
Awal ad art nttini i willi urta ssen
Izd akal lli ghd luln ay gan adlsan (61)
Anamk (62) n tguri (41) “ amazigh” dar willi ssen
Sfeldat, han igat akal d awal d ufgan (22)
Urn illa yan bla yan kh kr’ad’ an
Acku az’ur nsen iga yan ur agh t bd’un
Willi zrinin ghemkan a yad lli nnan
Win ass ad uggar n ghwin af rad mmaghen
Ran akw tinditin (63) tifugna (64) timghradin (65)
Tililli (50) d tagdut (66) a gisnt akw izwarn
Tamazight d taârabt snat tutlayin (9)
Tifinagh d aramia (67)sin iskkiln (11)
As ran zzigiz zund sin id’ar’n
Tamghart d urgaz yan ad gan
Gh tmazight n taghamt (68) d izrfan (69)
Mac ghzzifen sul igharasn
Lli rad isselkem y unaruz (70) an
Mq’q’ar ddustur lmaghrib inna yawn
Tamazight d taârabt gaddan
Mac inna dakh tasgiddit iz’m’an (38)
Ar ass yad ‘ igh dagh t nnan
Igh darun turda (21) ssfeldat y lbarlaman
Tamrarut n useq'si n tbaamrant mad as nnan
Iq’q’and ad mmaghen imghnasn (71)
F ghaylli sd izwar ddustur at smaddun (72)
Han amsisi (73) mq’q’urn n inamarn (56)
As rad akw lkemn ghaylli z'uz'd'n (59)
Tfalki tudert akw n imzdaghen
Tili tmurt ad gh udrass (74) n tmizar ikhatarn

(1) : Le pouvoir (2) : Livre scolaire (3) : à partir de, (4) :Historiens ; (5) : Avant; (6):l ’ignorance, le Paganisme,(7): La forêt , (8) : Nus, Sans habit, (9) : Le(s) langage(s), (10) : Les saints, (11) : L’alphabet, (12) : La Lumière, (13) : La Religion, (14) :L’identité, (15) : La Culture, (16) :L’Orient(moyen), (17) : La dette ; (18) : Faire croire a des choses imaginaires ; (19) :Le réel, (20) : Les légendes, (21) : Le doute, (22) :Etre Humain, (23) :Celui qui suit(aveuglement), (24) : les cités, villes, (25) : Les vrais, sures, (26) : Prisonnier , (27) Les pressions, (28) L’explosion, (29) : Les persécutions, (30) : A haute voix, (31) : Les signes, les symboles, (32) : L'histoire, (33) : Le Continent, (34) : La Source , (35) : l’Humanité, (36) : Sites archéologiques, (37) :Le Nom, (38) : Authentique, (39) : Ennemis,(40) :Ils ont collé , (41) : Le Nom, (42) : Insulter, (43) : Durables, pérennes, (44) : Dire la vérité, (45) : Les témoins, (46) : La mort, (47) :Solides, sures, (48) :Ne s’effacent pas, (49) : Les preuves, (50) :La liberté, (51) :Esclaves, (52) : Le foie (Fille), (53) : Tuer, (54) :Avec Joie, bonheur, (55) :L’âme, (56) :Citoyens, (57) : Pays ,Nation , (58) : Contenir, (59) : Ce qu'ils souhaitent, (60) : Esperent, (61) : La base , le fondement ; (62) :Le sens , la signification, (63) : Les valeurs, (64) : Humaines, (65) : Universelles, (66) :Démocratie, (67): L'alphabet appele arabe, (68) :La justice ,le droit (69) :la Loi, (70) : L’espoir (71) : Les militants , (72) : Officialiser , (73) : Accord, (74): le rang.